பிறந்த நாளில் கார்த்தி தரவிருக்கும் சிறப்பு விருந்து
Thursday, May 5, 2016 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
மெட்ராஸ், கொம்பன், தோழா என ஹாட்ரிக் வெற்றிப்படங்களில் நடித்த கார்த்தி தற்போது மூன்று வித்தியாசமான வேடங்களில் நடித்து கொண்டிருக்கும் திரைப்படம் 'காஷ்மோரா'. மிக பிரமாண்டமாகவும், ஏகப்பட்ட சிஜி பணிகளுடனும் உருவாகி வரும் இந்த படத்தின் கிராபிக்ஸ் காட்சிகளின் பணியை 'பாகுபலி' படத்திற்கு கிராபிக்ஸ் செய்த அதே டீம் செய்து வருகிறது.
இந்நிலையில் வரும் 25ஆம் தேதி கார்த்தியின் பிறந்தநாள் வருவதை அடுத்து அன்றைய தினம் 'காஷ்மோரா' படத்தின் ஃபர்ஸ்ட்லுக் வெளியாகவிருப்பதாக தகவல்கள் வெளிவந்துள்ளது. இந்த ஃபர்ஸ்ட்லுக் கார்த்தி தனது ரசிகர்களுக்கு தரும் சிறப்பு விருந்தாக கருதப்படுகிறது.
மேலும் இந்த படத்தின் 90% படப்பிடிப்புகள் முடிவடைந்துவிட்டதாகவும், இன்னும் 30 நாட்கள் படப்பிடிப்பு மட்டுமே மீதமிருப்பதாகவும் கூறப்படுகிறது. கார்த்தி, நயன்தாரா, மனிஷ் யாதவ், விவேக், சித்தார்த் விபின் உள்பட பலர் நடித்துள்ள இந்த படத்திற்கு சந்தோஷ் நாராயணன் இசையமைத்துள்ளார். 'ரெளத்திரம்', 'இதற்குத்தானா ஆசைப்பட்டாய் பாலகுமாரா' இயக்குனர் கோகுல் இந்த படத்தை இயக்கி வருகிறார்.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments