விஜய்சேதுபதி ஏற்கனவே இந்த ஆண்டு ஹாட்ரிக் வெற்றியை ருசித்துவிட்ட நிலையில் கடந்த வாரம் வெளியான அவரது அடுத்த படமான 'கருப்பன்' திரைப்படத்திற்கு பெரும்பாலான ஊடகங்கள் சுமாரான படம் என்றே விமர்சனம் செய்தன.

ஆனால் ஊடகங்களின் விமர்சனத்திற்கு மாறாக ரசிகர்களின் வரவேற்பு இருந்ததால் இந்த படம் தமிழகம் முழுவதும் நல்ல ஓப்பனிங் வசூலை பெற்றது. குறிப்பாக சென்னையில் இந்த படம் 18 திரையரங்க வளாகங்களில் 215 காட்சிகள் திரையிடப்பட்டு ரூ.93,39,432 வசூல் செய்துள்ளது. இந்த படத்திற்கு 90% பார்வையாளர்கள் இருந்ததே இந்த படத்தின் வெற்றிக்கு சான்றாக உள்ளது.

மேலும் இந்த படத்தின் பி மற்றும் சி செண்டர்களின் வசூல் திருப்திகரமாக இருப்பதாகவும், இந்த படம் விஜய்சேதுபதியின் வெற்றிப்பட பட்டியலில் இணைந்துவிட்டதாகவும் விநியோகிஸ்தர்கள் தரப்பில் இருந்து வரும் செய்திகள் தெரிவிக்கின்றன.