’கருப்பன் குசும்பன்’ புகழ் தவசி காலமானார்: திரையுலகினர் அதிர்ச்சி
- IndiaGlitz, [Monday,November 23 2020]
பிரபல குணசித்திர நடிகர் தவசி அவர்கள் சமீபத்தில் புற்றுநோயால் பாதிக்கப்பட்டு மதுரையில் உள்ள தனியார் மருத்துவமனையில் சிகிச்சை பெற்று வந்த நிலையில் அவரது சிகிச்சை செலவு மொத்தத்தையும் திமுக எம்எல்ஏ சரவணன் அவர்கள் ஏற்றுக்கொண்டார்
அதுமட்டுமின்றி சூப்பர் ஸ்டார் ரஜினிகாந்த், விஜய் சேதுபதி, சிம்பு, சிவகார்த்திகேயன், சூரி, ரோபோ சங்கர் உள்பட பல நடிகர்கள் தவசியின் சிகிச்சைக்கு நிதியுதவி செய்துள்ளனர் என்பது குறிப்பிடத்தக்கது.
நடிகர் தவசி மீண்டும் குணமாகி வரவேண்டும் என்றும், அவர் பழையபடி சிங்கம் போல் வசனங்கள் பேச வேண்டும் என்றும், அந்த மீசையை நாங்கள் பார்க்க வேண்டும் என்றும் திரையுலகினர் தெரிவித்து வந்தனர்.
இந்த நிலையில் சற்றுமுன் புற்றுநோயால் சிகிச்சை பெற்று வந்த நடிகர் தவசி சிகிச்சை பலனின்றி காலமானதாக தகவல்கள் வெளிவந்துள்ளதால் திரையுலகினர்களே சோகமாகியுள்ளனர்.