அரசியல் என்பது வியாபாரம் அல்ல. ரஜினி அரசியல் குறித்து கருணாஸ்
- IndiaGlitz, [Monday,June 26 2017]
நகைச்சுவை நடிகரும் எம்.எல்.ஏவுமான கருணாஸ் சமீபத்தில் செய்தியாளர்களை சந்தித்தபோது, 'அரசியல் என்பது வியாபாரம் அல்ல, சேவை மனப்பான்மை உள்ளவர்கள் யாரும் அரசியலுக்கு வரலாம்' என்று கூறியுள்ளார்.
ரஜினிகாந்த் அரசியல் பிரவேசம் குறித்து செய்தியாளர்கள் கேட்ட கேள்விக்கு பதிலளித்த கருணாஸ் கூறியதாவது: 'மக்களுக்காக பணி செய்ய வேண்டும் என்ற உள்ளுணர்வு உள்ளவர்கள் யாரும் அரசியலுக்கு வரலாம். அரசியல் என்பது வியாபாரம் அல்ல, அரசியல் என்பது மக்களுக்கான பணி, சேவை. அந்த சேவை மனப்பான்மை உள்ளவர்கள் எவராக இருந்தாலும் அரசியலுக்கு வரலாம். மக்களுக்கு பிடித்திருந்தால் அவர்கள், அவர்களை ஆதரிப்பார்கள்.
அரசியலுக்கு ஒரு வரலாம், வரக்கூடாது என்று கூறுவதற்கு இந்த ஜனநாயக நாட்டில் யாருக்கும் உரிமை இல்லை' என்று கருணாஸ் தெரிவித்துள்ளார்.