என்னாலும் வாக்குகளை பிரிக்க முடியும்: கருணாஸ் ஆவேசம்
- IndiaGlitz, [Wednesday,February 27 2019]
முன்னாள் முதல்வர் ஜெயலலிதாவின் மறைவிற்கு பின் சசிகலா, தினகரன், திமுக என மாறி மாறி ஆதரவு கொடுத்து கொண்டிருந்த நடிகரும் எம்.எல்.வுமான கருணாஸ், சமீபத்தில் முதல்வரை சந்தித்து அதிமுகவுக்கு மீண்டும் ஆதரவு அளித்தார்.
ஆனால் பாமக, பாஜகவுடன் அதிமுக கூட்டணி வைத்ததால் மீண்டும் அதிமுக எதிர்ப்பு நிலையை கையில் எடுத்துள்ள கருணாஸ், 'என்னை சாதாரணமாக நினைக்க வேண்டாம் என்றும் என்னால் தென்மாநிலங்களில் வாக்குகளை பிரிக்க முடியும்' என்றும் ஆவேசமாக கூறியுள்ளார்.
மெலும் கஜா புயலின்போது தமிழகம் வராத பிரதமர் மோடி, குமரிக்கு தேர்தல் பிரச்சாரத்திற்காக வருகிறார் என்றும், அவருக்கு தங்கள் அமைப்பின் சார்பில் கருப்புக்கொடி காட்டப்படும் என்றும் தெரிவித்தார்.
எனது சமூகத்திற்காக சட்டமன்ற உறுப்பினர் பதவியையும் இழக்கத்தயார் என்று கூறிய கருணாஸ், கூட்டணிக்காக திமுக அழைத்தாலும் வரவேற்போம் என்று கூறினார்.
மேலும் ஜெயலலிதா எங்களுக்கு அளித்த மரியாதையை தற்போது உள்ள அதிமுகவினர் எங்களுக்கு அளிப்பதில்லை என்றும் குற்றஞ்சாட்டினார்.