திருவாடனை எம்.எல்.ஏ மற்றும் நடிகருமான கருணாஸ் சமீபத்தில் முதலமைச்சரை சர்ச்சைக்குரிய பேசியதாக கூறப்பட்ட வழக்கிலும், காவல்துறை அதிகாரி குறித்து தவறாக பேசிய வழக்கிலும் கைது செய்யப்பட்டு ஜாமீனில் வெளிவந்துள்ளார்.

இந்த நிலையில் கடந்த ஆண்டு நெல்லையில் தேவர் பேரவைத் தலைவர் முத்தையாவின் காரை சேதப்படுத்தியதாக கருணாஸ் மீது வழக்குப்பதிவு செய்யப்பட்டது. இந்த வழக்கில் கருணாஸை கைது செய்ய நெல்லை போலீசார் இன்று சென்னை வந்துள்ளனர். இதனையடுத்து இன்று அதிகாலை கருணாஸ் நெஞ்சு வலி காரணமாக சென்னை வடபழனியில் உள்ள தனியார் மருத்துவமனையில் தீவிர சிகிச்சை பிரிவில் அனுமதிக்கப்பட்டுள்ளார்

இந்த நிலையில் நெல்லையில் காரை சேதப்படுத்தியது பற்றிய வழக்கில் தனக்கு முன்ஜாமீன் வேண்டும் என கருணாஸ் தரப்பில் இருந்து மனுதாக்கல் செய்யப்பட்டுள்ளது. இந்த முன்ஜாமீன் மனு மீது உயர்நீதிமன்ற கிளை நாளை விசாரணை நடத்தவுள்ளதாக தகவல்கள் வெளிவந்துள்ளது