தென்னிந்திய நடிகர் சங்கத்தின் தேர்தல் நேற்று நடைபெற்று நேற்று இரவே முடிவுகள் அறிவிக்கப்பட்டது. இந்த தேர்தலில் பாண்டவர் அணி என்று கூறப்படும் விஷால் அணி அமோக வெற்றி பெற்றுள்ள நிலையில், அந்த அணிக்கு வாழ்த்துக்களும், பாராட்டுக்களும் குவிந்து வருகிறது.

இந்நிலையில் திரைப்பட துறைக்காக பல ஆண்டுகள் சேவை செய்தவரும், முன்னாள் முதல்வருமான கலைஞர் கருணாநிதி வெற்றி பெற்ற அனைவருக்கும் தனது வாழ்த்துக்களை தெரிவித்துள்ளார்.

இன்று அவர் அளித்த பேட்டி ஒன்றில் கூறியதாவது: 'மிகுந்த பரபரப்போடு நடைபெற்ற தென்னிந்திய நடிகர் சங்கத் தேர்தலில் வெற்றி பெற்ற அனைவருக்கும் என் வாழ்த்துக்களைத் தெரிவித்துக் கொள்கிறேன். தேர்தல் முடிந்து விட்டது. இனி வெற்றி பெற்றவர்களும், வெற்றி வாய்ப்பை இழந்தவர்களும் வேற்றுமைகளை மறந்து, ஒற்றுமையோடு இருந்து நடிகர் சங்கத்தின் வளர்ச்சிக்காகப் பாடுபட வேண்டும் என்று விரும்புகிறேன்" என்று கூறினார்.