சமீபத்தில் நடைபெற்ற நடிகர் சங்க தேர்தலில் திருத்தப்பட்ட வாக்காளர் பட்டியலில் உள்ளவர்கள் மட்டுமே வாக்களிக்க முடியும் என்ற நிலை இருந்ததால் நடிகர் சங்கத்தில் ஆயுள்கால உறுப்பினராக இருந்து வந்த மு.கருணாநிதி உள்பட ஒருசிலர்களின் பெயர்கள் வாக்காளர் பட்டியலில் இடம்பெறாததால் அவர்கள் வாக்களிக்கவில்லை.

இந்நிலையில் சமீபத்தில் நடைபெற்ற நடிகர் சங்க கூட்டத்தில் தி.மு.க. தலைவர் கருணாநிதியை வாக்களிக்கும் உரிமை கொண்ட ஆயுள் கால உறுப்பினராக மீண்டும் நடிகர் சங்கத்தில் சேர்க்க தீர்மானம் நிறைவேற்றப்பட்டுள்ளது. இந்த தீர்மானத்தால் இனிவரும் நடிகர் சங்க தேர்தலில் கருணாநிதி வாக்களிக்கும் உரிமையை பெறுகிறார் என்பது குறிப்பிடத்தக்கது.

தி.மு.க. தலைவர் கருணாநிதி கடந்த 1989ஆம் ஆண்டு முதல் தென்னிந்திய நடிகர் சங்கத்தில் ஆயுள்கால உறுப்பினராக இருந்து வருகிறார் என்பது குறிப்பிடத்தக்கது.