திமுக  தலைவர் கருணாநிதி கடந்த சில மாதங்களாக உடல்நலம் இன்றி இருந்த நிலையில் அவரது உடல் தற்போது நல்ல முறையில் தேறி வருவதாகவும், அவருக்கு பேச்சுப்பயிற்சி கொடுக்கப்பட்டு வருவதால் அவர் விரைவில் கம்பீரமாக பேசுவார் என்றும் மருத்துவர்கள் கூறி வருகின்றனர்.

இந்த நிலையில் கருணாநிதி மனதளவில் உற்சாகமாக அருள்நிதியின் மகனும் கருணாநிதியின் கொள்ளுப்பேரனுமான மகிழன் கருணாநிதியின் இல்லத்தில் கடந்த சில நாட்களாக உள்ளார். மகிழனின் மழலை பேச்சால் கருணாநிதி உற்சாகம் அடைவதாக கூறப்பட்டது

இந்த நிலையில் கருணாநிதி தனது கொள்ளுப்பேரன் மகிழனுடன் கிரிக்கெட் விளளயாடும் வீடியோ ஒன்று சமூக வலைத்தளங்களில் வைரலாகி வருகிறது. கருணாநிதி வீல்சேரில் உட்கார்ந்தபடியே பந்து தூக்கி போட, அதை மகிழன் பேட்டிங் செய்கிறார். மு.க.ஸ்டாலின் மனைவி துர்கா, பந்தை திரும்ப எடுத்து கருணாநிதியிடம் தருகிறார். இந்த வீடியோ கருணாநிதியின் உடல் நன்கு தேறி வருவதை காட்டுவதால் திமுக தொண்டர்கள் உற்சாகம் அடைந்துள்ளனர்.