ஜெயலலிதா நினைவிடத்தில் கருணாநிதி அஞ்சலி?
- IndiaGlitz, [Thursday,December 08 2016]
மறைந்த முன்னாள் முதல்வர் ஜெயலலிதாவின் உடல் மெரீனா கடற்கரையில் உள்ள எம்.ஜி.ஆர் நினைவிட வளாகத்தில் நேற்று முன் தினம் நல்லடக்கம் செய்யப்பட்டது. அந்த நினைவிடத்தில் இன்றும் ஆயிரக்கணக்கான பொதுமக்கள் அஞ்சலி செலுத்தி வருகின்றனர்.
இந்நிலையில் ஜெயலலிதா மறைந்தபோது திமுக தலைவர் கருணாநிதி சென்னையில் உள்ள மற்றொரு தனியார் மருத்துவமனையில் சிகிச்சை பெற்று வந்தார். இருப்பினும் அவரது சார்பிலும் திமுக சார்பிலும் மு.க.ஸ்டாலின் ஜெயலலிதாவின் உடலுக்கு அஞ்சலி செலுத்தினார்.
இந்நிலையில் இன்று காலை மருத்துவமனையில் இருந்து டிஸ்சார்ஜ் ஆன கருணாநிதி இன்று மாலை மெரினாவில் உள்ள மறைந்த முதல்வர் ஜெயலலிதாவின் நினைவிடத்தில் அஞ்சலி செலுத்தவுள்ளதாக கூறப்படுகிறது.