கருணாநிதி இறுதி ஊர்வலம் புறப்படும் நேரம் அறிவிப்பு
- IndiaGlitz, [Wednesday,August 08 2018]
திமுக தலைவர் கருணாநிதியின் உடல் சென்னை ராஜாஜி அரங்கத்தில் வைக்கப்பட்டுள்ள நிலையில் லட்சக்கணக்கான தொண்டர்கள் அவருக்கு இறுதியஞ்சலி செலுத்தி வருகின்றனர்.
இந்த நிலையில் நீதிமன்ற உத்தரவின்படி சென்னை அண்ணா சமாதிக்கு பின்புறம் கருணாநிதிக்கு சமாதி அமைக்கும் பணி நடந்து வருகிறது.
இந்த நிலையில் ராஜாஜி அரங்கத்தில் இருந்து கருணாநிதியின் இறுதி ஊர்வலம் இன்று மாலை 4 மணிக்கு தொடங்கும் என்று திமுக தலைமை அறிவித்துள்ளது.
ராஜாஜி ஹாலில் இருந்து புறப்பட்டு சிவானந்தா சாலை வழியாக, தந்தை பெரியார் சிலை, அண்ணா சிலையை கடந்து அதன் பின்னர் அங்கிருந்து வாலாஜா சாலை வழியாக காமராஜர் சாலையில் உள்ள அண்ணா சதுக்கத்திற்கு கருணாநிதியின் இறுதி ஊர்வலம் செல்லவிருப்பதாகவும் இறுதி ஊர்வலத்தில் திமுக தொண்டர்கள் அமைதி காத்திட வேண்டும் என்ரு திமுக அறிவித்துள்ளது.