சிவகார்த்திகேயனின் அடுத்த படத்தில் பிரபல காமெடி நடிகர்
- IndiaGlitz, [Tuesday,April 03 2018]
நடிகர் சிவகார்த்திகேயன் சமீபத்தில் பொன்ராம் இயக்கத்தில் உருவாகியுள்ள 'சீமராஜா' என்ற படத்தில் நடித்து முடித்துள்ளார். சமந்தா நாயகியாக நடித்துள்ள இந்த படத்திற்கு டி.இமான் இசையமைத்துள்ளார். இந்த படம் வரும் விநாயகர் சதுர்த்தி தினத்தில் வெளிவரும் என்று எதிர்பார்க்கப்படுகிறது.
இந்த நிலையில் சிவகார்த்திகேயனின் அடுத்த படத்தை 'இன்று நேற்று நாளை' இயக்குனர் ரவிகுமார் இயக்கவுள்ளார். ஏ.ஆர்.ரஹ்மான் இசையமைக்கும் இந்த படத்திற்கு நீரவ் ஷா ஒளிப்பதிவு செய்யவுள்ளார். இந்த படத்தில் சிவகார்த்திகேயன் ஜோடியாக ரகுல் ப்ரித்திசிங் நடிக்கவுள்ளார் என்பது குறிப்பிடத்தக்கது.
இந்த நிலையில் இந்த படத்தில் சிவகார்த்திகேயனுடன் காமெடி நடிகர் கருணாகரன் நடிக்கவுள்ளதாக செய்திகள் வெளிவந்துள்ளது. இவர் ஏற்கனவே ரவிகுமார் இயக்கிய 'இன்று நேற்று நாளை' படத்தில் புலிவேட்டி ஆறுமுகம் என்ற ஜோதிடர் வேடத்தில் நடித்து கலக்கியவர் என்பது குறிப்பிடத்தக்கது. சிவகார்த்திகேயனுடன் இதுவரை சூரி, சதிஷ் ஆகியோர் காமெடி வேடங்களில் நடித்து வந்த நிலையில் தற்போது இந்த படத்தில் கருணாகரன் இணைந்துள்ளதால் காமெடிக்கு பஞ்சமிருக்காது என்று எதிர்பார்க்கப்படுகிறது.