காமெடி ஹீரோவுக்கு காமெடியனாக நடிக்கும் கருணாஸ்
- IndiaGlitz, [Tuesday,January 12 2016]
ஷங்கர் இயக்கிய 'எந்திரன்' படத்தில் சந்தானம், கருணாஸ் இருவருமே நகைச்சுவை வேடத்தில் நடித்திருந்தனர். பின்னர் இருவரும் கதாநாயகன்களாக மாறி ஒருசில படங்களில் நடித்து வந்தனர்.
கருணாஸ் அம்பா சமுத்திரம் அம்பானி', சந்த மாமா', ரகளபுரம்', லொடுக்குப் பாண்டி' ஆகிய படங்களில் கதாநாயகனாக நடித்தாலும் எந்த படமும் சொல்லிக்கொள்ளும்படி ஓடவில்லை.
ஆனால் சந்தானம் கதாநாயகனாக நடித்த 'வல்லனுக்கு புல்லும் ஆயுதம்', 'கண்ணா லட்டு தின்ன ஆசையா', 'இனிமே இப்படித்தான்' ஆகிய படங்கள் நல்ல வசூலை கொடுத்தது.
இந்நிலையில் சந்தானம் கதாநாயகனாக நடிக்கவுள்ள அடுத்த படத்தில் கருணாஸ் காமெடி வேடத்தில் நடிக்க ஒப்பந்தமாகியுள்ளார். 'எனக்கு இன்னொரு பெயர்' என்று டைட்டில் வைக்கப்பட்டுள்ள இந்த படத்தில் ஃபேஸ்புக் மோகன் என்ற காமெடி கதாபாத்திரத்தில் கருணாஸ் நடிக்கவுள்ளதாக தகவல்கள் வெளிவந்துள்ளது.