கடந்த சில நாட்களாக திமுக கூட்டணிக்கு ஆதரவாக பிரச்சாரம் செய்து வரும் இயக்குனர் கரு.பழனியப்பன், சமீபத்தில் பேட்டி ஒன்றில் கூறியபோது, 'கமல்ஹாசனின் டிவி உடைக்கும் வீடியோ நல்ல வரவேற்பை பெற்றது. அந்த வீடியோவில் நீட் தேர்வினால் பாதிக்கப்பட்ட பெண்ணின் பெற்றோர், யாருக்கு ஓட்டு போட சொல்கின்றார்களோ? அவர்களுக்கு ஓட்டு போடுங்கள் என்று கூறினார். அவருடைய இந்த வீடியோ வெளியான அடுத்த நாளே, அனிதாவின் சகோதரர், 'திருமாவளவனுக்கு ஓட்டு போடுவேன்' என்று கூறினார். எனவே திருமாவளவனுக்காக பிரச்சாரம் செய்து ஓட்டு போட கூறிய கமல்ஹாசனுக்கு நன்றி! அவர் இன்னும் இதே போன்ற அதிக வீடியோக்களை வெளியிட வேண்டும் என்று கேட்டுக்கொள்கிறேன்' என்று கிண்டலாக கூறியிருந்தார்.

இதே கரு.பழனியப்பன் தான் கடந்த சில மாதங்களுக்கு முன் தொலைக்காட்சி விவாதம் ஒன்றில் கமல்ஹாசன் குறித்து பேசும்போது 'கமல்ஹாசன் வித்தியாசமாக சிந்திக்கின்றார். அதனால் அவர் குறி வைத்து தாக்கப்படுவதாக தெரிவித்தார். ஆனால் இன்று கமல்ஹாசனை குறி வைத்து தாக்கும் நபர்களில் ஒருவராக கமல் மாறியுள்ளதாக பழைய வீடியோவை பதிவு செய்து நெட்டிசன்கள் அவரை விளாசி வருகின்றனர்.