சூப்பர் ஸ்டார் ரஜினிகாந்த் நடித்த 'காலா' திரைப்படம் வரும் ஏப்ரல் மாதம் 27ஆம் தேதியும் அதனையடுத்து ஒருசில வாரங்களில் அவர் நடித்த இன்னொரு திரைப்படமான '2.0' திரைப்படமும் வெளியாகவுள்ளது. இந்த நிலையில் ரஜினிகாந்த், கார்த்திக் சுப்புராஜ் இயகக்த்தில் ஒரு படத்தில் நடிக்கவுள்ளார். சன் பிக்சர்ஸ் நிறுவனம் தயாரிக்கவுள்ள இந்த படத்தின் ஆரம்பகட்ட பணிகள் நடந்து வருகிறது.

இந்த நிலையில் இந்த படத்தின் நாயகியாக நடிக்க லேடி சூப்பர் ஸ்டார் நயன்தாராவிடம் பேச்சுவார்த்தை நடந்து வருவதாக கூறப்படுகிறது. ஏற்கனவே இரண்டு சூப்பர் ஸ்டார்களும் சந்திரமுகி, சிவாஜி, குசேலன் ஆகிய படங்களில் இணைந்து நடித்துள்ளனர் என்பது குறிப்பிடத்தக்கது.

நயன்தாரா ஏற்கனவே அஜித் நடிக்கும் 'விசுவாசம்' படத்தில் நடிக்கவுள்ள நிலையில் தற்போது ரஜினி படமும் உறுதியானால் ஒரே நேரத்தில் இரண்டு மிகப்பெரிய ஸ்டார்களுடன் இணைந்து நடிக்கும் பெருமையை அவர் பெறுவார் என்பது குறிப்பிடத்தக்கது. இந்த படத்திற்கு அனிருத் இசையமைக்கவுள்ளார் என்பது குறிப்பிடத்தக்கது.