ఒక్క హిట్టు... ఒకే ఒక్క హిట్టు జీవితాన్ని త‌ల‌కిందులు చేస్తుంద‌ని చాలా సార్లు వినే ఉంటాం. `పెళ్లి చూపులు`, `అర్జున్ రెడ్డి` చిత్రాలు విజ‌య్ దేవ‌ర‌కొండ జీవితాన్ని ఎలా నిల‌బెట్టేశాయో, అలాగే `ఆర్ ఎక్స్ 100` అనే చిత్రం కార్తికేయ గుమ్మ‌కొండ జీవితాన్ని సిల్వ‌ర్ స్క్రీన్ మీద అలా ఐకానిక్‌గా నిల‌బెట్టింది. తాజాగా కార్తికేయ చుట్టూ సినిమాలు గుమిగూడుతున్నాయి. ఆయ‌న ఇప్ప‌టికే `హిప్పీ` చేస్తున్నారు. అది కాకుండా నాని సినిమా `గ్యాంగ్ లీడ‌ర్‌`లో న‌టిస్తున్నారు. దీంతో పాటు అర్జున్ జంధ్యాల ద‌ర్శ‌క‌త్వంలో ఓ సినిమా జ‌రుగుతోంది.

వీట‌న్నిటితో పాటు మ‌రో సినిమా కూడా సెట్స్ మీద ఉంది. ఆ సినిమాకు శేఖ‌ర్ రెడ్డి ద‌ర్శ‌క‌త్వం వ‌హిస్తున్నారు. శేఖ‌ర్ రెడ్డికి ద‌ర్శ‌కుడిగా ఇదే తొలి సినిమా. అయినా కార్తికేయ‌కు స‌రైన స్క్రిప్ట్ చెప్ప‌డంతో వెంట‌నే సెట్స్ మీద‌కు తీసుకెళ్లారు. ఈ చిత్రానికే `90 ఎం ఎల్‌` అనే పేరు పెట్టారు. త‌మిళంలో హిట్ అయిన 90 ఎం ఎల్‌కు ఈ సినిమాకూ ఎలాంటి సంబంధం ఉండ‌దు. కార్తికేయ న‌టించేది ఒరిజిన‌ల్ స్క్రిప్ట్. ఈ సినిమాల‌న్ని కంప్లీట్ అయ్యాక కార్తికేయ ఓ పెద్ద ప్రొడ‌క్ష‌న్ హౌస్‌లో క‌నిపిస్తారు. కార్తికేయ డేట్ల కోసం పెద్ద ప్రొడ‌క్ష‌న్ హౌస్ వెయిట్ చేస్తోంద‌ని, రెండు సినిమాలు చేయాల‌ని అనుకుంటుంద‌నీ వినికిడి.