கார்த்திக் சுப்புராஜ் இயக்கத்தில் உருவாகி வந்த 'ஜிகர்தண்டா 2’ என்ற படத்தின் படப்பிடிப்பு சமீபத்தில் முடிவடைந்தது என்பதும் இந்த படம் வரும் தீபாவளி அன்று வெளியாக இருக்கும் நிலையில் விறுவிறுப்பாக தொழில்நுட்ப பணிகள் நடைபெற்று வருவதாகவும் தகவல் வெளியானது.

இந்த நிலையில் தற்போது தொழில்நுட்ப பணிகள் முடிவடையும் நிலையில் இருப்பதால் புரமோஷன் பணிகளையும் தொடங்க படக்குழுவினர் திட்டமிட்டுள்ளனர். முதல் கட்டமாக இந்த படத்தின் சிங்கிள் பாடல் ரிலீஸ் குறித்த அறிவிப்பு வெளியாகியுள்ளது.

இந்த படத்தின் ’மாமதுரை’ என்ற சிங்கிள் பாடல் வரும் 9ஆம் தேதி அதாவது நாளை மறுநாள் மதியம் 12 மணிக்கு வெளியாகும் என கார்த்திக் சுப்புராஜ் தனது சமூக வலைத்தளத்தில் தெரிவித்துள்ளார். மேலும் இந்த படம் தீபாவளிக்கு வெளியாகும் என்பதை அவர் உறுதி செய்துள்ளார்

சந்தோஷ் நாராயணன் இசையில் உருவாகும் உருவாகி உள்ள ’மாமதுரை’ என்ற பாடலை கேட்டவுடன் டான்ஸ் ஆட வைக்கும் வகையில் இருக்கும் என்றும் அவர் தெரிவித்துள்ளார்.

தமிழ், தெலுங்கு மற்றும் ஹிந்தி ஆகிய மூன்று மொழிகளில் வெளியாக இருக்கும் இந்த படத்தில் ராகவா லாரன்ஸ், எஸ் ஜே சூர்யா உட்பட பலர் நடித்துள்ளனர். சந்தோஷ் நாராயணன் இசையில், திருநாவுக்கரசு ஒளிப்பதிவில், சபிக் முகமது அலி படத்தொகுப்பில் உருவான இந்த படத்தை ஸ்டோன் பெஞ்ச் நிறுவனம் தயாரித்துள்ளது.