கார்த்திக் சுப்புராஜ் இயக்கத்தில் சூப்பர் ஸ்டார் ரஜினிகாந்த் நடித்த 'பேட்ட' திரைப்படம் மூன்றாவது வாரமாக திரையரங்குகளில் வெற்றி நடை போட்டு வருகிறது. இந்த படத்தின் வசூல் மழையால் அனைத்து விநியோகிஸ்தர்களும், திரையரங்கு உரிமையாளர்களும் மகிழ்ச்சியில் உள்ளனர்.

இந்த நிலையில் சென்னை காசி திரையரங்கில் நேற்று 'பேட்ட' வெற்றி விழா கொண்டாடப்பட்டது. இதில் கலந்து கொண்டு ரசிகர்களோடு ரசிகராக படம் பார்த்த இயக்குனர் கார்த்திக் சுப்புராஜ், 'பேட்ட' திரைப்படம் வெளியாகி மூன்று வாரங்கள் ஆகிவிட்டபோதிலும் முதல் நாள் முதல் காட்சியை பார்ப்பது போன்ற உணர்வு உள்ளது. மிகுந்த சந்தோஷமாக இருக்கின்றது' என்று கூறினார்.

மேலும் நடிகர் தனுஷை வைத்து புதிய படம் இயக்கவுள்ளதாகவும் அவர் தெரிவித்தார். ஏற்கனவே கார்த்திக் சுப்புராஜ் இயக்கத்தில் தான் ஒரு படத்தில் நடிக்கவுள்ளதாக தனுஷ் தனது டுவிட்டரில் தெரிவித்திருந்தார் என்பதும் 'பேட்ட' படத்தால் இந்த படம் தள்ளிப்போனது என்பதும் குறிப்பிடத்தக்கது.