விஜய்க்கு என் கதை செட் ஆகவில்லை. கார்த்திக் சுப்புராஜ்
- IndiaGlitz, [Saturday,June 04 2016]
இளையதளபதி விஜய் நடித்த 'தெறி' படம் சூப்பர் ஹிட் ஆனதை அடுத்து விஜய்யின் 60வது படத்தை இயக்க பலத்த போட்டி இருந்தது என்பதும் அந்த போட்டியில் இயக்குனர் பரதன் வெற்றி பெற்று தற்போது அவருடைய 60வது படத்தை இயக்கி வருகிறார் என்பது நாம் அறிந்ததே.
இந்நிலையில் விஜய்யின் 60வது படத்தை இயக்கும் இயக்குனர்களின் லிஸ்ட்டில் இருந்த கார்த்திக் சுப்புராஜ், விஜய்யின் 60வது படத்தை இயக்க தனக்கும் ஒரு வாய்ப்பு கிடைத்ததாகவும் ஆனால் தன்னுடைய கதை விஜய்க்கு செட் ஆகாததால் அந்த வாய்ப்பு நழுவி போனதாகவும் கூறியுள்ளார். மேலும் ரஜினிக்கு தான் எழுதி வைத்துள்ள கதை நிச்சயம் அவருக்கு பொருந்தும் என்றும் வாய்ப்பு கிடைக்கும்போது நிச்சயம் ரஜினி படத்தை இயக்குவேன் என்றும் அவர் கூறியுள்ளார்.
இந்நிலையில் கார்த்திக் சுப்புராஜ் இயக்கிய 'இறைவி' திரைப்படம் நேற்று விமர்சகர்கள் மற்றும் ஊடகங்களின் பாசிட்டிவ் விமர்சனங்களை பெற்று தமிழகம் முழுவதும் வெற்றிகரமாக ஓடி வருகின்றது என்பது குறிப்பிடத்தக்கது.