'இறைவி'யின் முக்கிய தகவல் இதுதான்
- IndiaGlitz, [Thursday,May 19 2016]
கார்த்திக் சுப்புராஜ் இயக்கியுள்ள 'இறைவி' திரைப்படம் வரும் ஜூன் 3ஆம் தேதி வெளியாகவுள்ள நிலையில் இந்த படம் குறித்த முக்கிய அறிவிப்பு இன்று மாலை ஆறு மணிக்கு வெளியாகவுள்ளதாக வந்த தகவலை ஏற்கனவே பார்த்தோம்.
இந்நிலையில் 'மேக்கிங் ஆப் 'இறைவி' என்ற வீடியோ சீரியல் ஒன்று வரும் 22ஆம் தேதி முதல் வெளியாகவுள்ளதாம். இந்த படம் எடுக்கப்பட்ட விதம் குறித்த வீடியோக்கள் இதில் இடம் பெறுகிறது. இதுகுறித்த ஒரு புரமோ வீடியோ ஒன்றும் இன்று வெளியாகியுள்ளது. ஒரு நிமிடம் 14 வினாடிகள் அடங்கியுள்ள இந்த வீடியோவில் பல சுவாரஸ்யமான காட்சிகள் அடங்கியுள்ளது.
'இறைவி' படம் வெளிவருவதற்கு முன்னரே இந்த படத்தின் மேக்கிங் வீடியோ வெளிவருவதால் கார்த்திக் சுப்புராஜ் ஒரு புதுமையான இயக்குனர் என்பதை மீண்டும் நிரூபித்துள்ளார். அவருடைய இந்த புதிய முயற்சியால் படத்திற்கு எதிர்பார்ப்பு அதிகரிக்குமா? என்பதை பொறுத்திருந்து பார்ப்போம்.