ஜீ தமிழ் சேனலில் ஒளிபரப்பாகி வரும் 'கார்த்திகை தீபம்' என்ற சீரியலில் நடித்து வந்த முக்கிய நடிகை திடீரென விலகி விட்டதை அடுத்து அவருக்கு பதிலாக நடிக்கும் நடிகை குறித்த தகவல் வெளியாகியுள்ளது.

'ஆபீஸ்' ' செம்பருத்தி’ உள்ளிட்ட பல சீரியல்களில் நடித்த கார்த்திக் ஹீரோவாக நடிக்கும் ’கார்த்திகை தீபம்’ என்ற சீரியல் ஜீ தமிழ் சேனலில் இரவு 9 மணிக்கு ஒளிபரப்பாகி வருகிறது என்பதும் இந்த சீரியல் டிஆர்பி ரேட்டிங்களிலும் நல்ல இடத்தில் உள்ளது என்பதும் குறிப்பிடத்தக்கது.

சனி ஞாயிறு கூட இடைவெளி இன்றி தினமும் ஒளிபரப்பாகி வரும் இந்த தொடருக்கு நாளுக்கு நாள் ரசிகர்களை எண்ணிக்கை அதிகரித்து வரும் நிலையில் இந்த தொடரில் அருண் மனைவி ஐஸ்வர்யா என்ற கேரக்டரில் நடித்து வந்த நடிகை திடீரென இந்த சீரியலில் இருந்து விலகி உள்ளதாக தகவல் வெளியாகியுள்ளன.

இந்த நிலையில் அவரது கேரக்டரில் தற்போது நடிகை சாந்தினி கமிட்டாகி உள்ளதாகவும் கூறப்படுகிறது. ஏற்கனவே ஐஸ்வர்யா கேரக்டரில் நடித்த நடிகை ஒரு முறை மாற்றப்பட்ட நிலையில் தற்போது இரண்டாவது முறையாக மாற்றப்பட்டுள்ளது என்பது குறிப்பிடத்தக்கது.