சூர்யா நடிப்பில் கார்த்திக் சுப்புராஜ் இயக்கத்தில் உருவாகி வரும் ’சூர்யா 44’ படத்தின் படப்பிடிப்பு விறுவிறுப்பாக நடைபெற்று வருகிறது. இந்த படத்தின் புரமோஷன், மற்றும் ரிலீஸ் தேதி குறித்த தகவலை இயக்குனர் கார்த்திக் சுப்புராஜ் வெளியிட்டுள்ளார்.

சூர்யா நடிப்பில் சமீபத்தில் வெளியான ’கங்குவா’ திரைப்படம் எதிர்பார்த்த வரவேற்பை பெறாததுடன், ரசிகர்களையும் முழுமையாக திருப்தி செய்யவில்லை என்று கூறப்பட்டது. இதனால், ரசிகர்கள் சூர்யாவின் அடுத்த படமான ’சூர்யா 44’ படத்தை மிகுந்த ஆர்வத்துடன் எதிர்பார்த்துக் காத்திருக்கிறார்கள்.

இந்நிலையில், வரும் டிசம்பர் மாதம் முதல் இந்த படத்தின் புரமோஷன் நிகழ்ச்சிகள் தொடங்கும் என்றும், அடுத்த ஆண்டு கோடை விடுமுறையில் படம் வெளியிடப்படும் என்றும் கார்த்திக் சுப்புராஜ் தெரிவித்துள்ளார். மேலும், "சூர்யா ஒரு மிகப்பெரிய நடிகர்; அவருடன் பணியாற்றுவது மகிழ்ச்சியளிக்கிறது" என்றும் அவர் கூறியுள்ளார்.

கார்த்திக் சுப்புராஜின் இந்த அறிவிப்பு சூர்யா ரசிகர்களை மகிழ்ச்சியில் ஆழ்த்தியுள்ளது. ’கங்குவா’ எதிர்பார்த்த அளவுக்கு வெற்றி பெறாததால், ’சூர்யா 44’ திரைப்படம் ரசிகர்களை திருப்தி செய்யும் வகையில் உருவாகி இருக்கும் என்று நம்பப்படுகிறது.

சூர்யா ஜோடியாக பூஜா ஹெக்டே நடிக்கும் இந்த படத்தில் ஜோஜு ஜார்ஜ், கருணாகரன், ஜெயராம் உள்ளிட்டோர் முக்கிய கேரக்டர்களில் நடிக்கவுள்ளனர். சந்தோஷ் நாராயணன் இசையில், ஜாக்சன் கலை இயக்கத்தில், பிரவீன் ராஜா காஸ்ட்யூம் டிசைனில், ஜெயிக்கா ஸ்டண்ட் இயக்கத்தில் சபிக் முகமது அலி படத்தொகுப்பில் ஸ்ரேயா கிருஷ்ணா ஒளிப்பதிவில் இந்த படம் உருவாகவுள்ளது. மேலும் இந்த படத்தை 2டி என்டர்டெயின்மென்ட் மற்றும் ஸ்டோன்பென்ச் நிறுவனங்கள் இணைந்து தயாரித்து வருகின்றன..