ரஜினி படம் குறித்து கார்த்திக் சுப்புராஜ் கூறிய லேட்டஸ்ட் தகவல்
- IndiaGlitz, [Saturday,February 24 2018]
சூப்பர் ஸ்டார் ரஜினிகாந்த் நடிப்பில் இயக்குனர் கார்த்திக் சுப்புராஜ் இயக்கத்தில் சன் பிக்சர்ஸ் நிறுவனம் பிரமாண்டமாக புதிய படத்தை தயாரிக்கவுள்ளது என்று நேற்று வெளியான செய்தி ரஜினி ரசிகர்களுக்கு ஒரு இன்ப அதிர்ச்சி. மேலும் பா.ரஞ்சித்தை அடுத்து ரஜினிகாந்த், மேலும் ஒரு இளம் இயக்குனருடன் இணைவதால் இந்த படத்தின் எதிர்பார்ப்பும் உச்சத்தில் உள்ளது.
இந்த நிலையில் ரஜினி படத்தை இயக்குவது குறித்து இயக்குனர் கார்த்திக் சுப்புராஜ் தனது சமூக வலைத்தளத்தில் கூறியபோது, 'உண்மையில் எனது மகிழ்ச்சியை வெளிப்படுத்த எனக்கு வார்த்தைகளே கிடைக்கவில்லை. என்னுடைய நீண்ட நாள் கனவு இன்று நனவாகியுள்ளது. நன்றிகள் தலைவா' என்று கூறியுள்ளார். ரஜினியின் தீவிர ரசிகர் ஒருவரே அவரது படத்தை இயக்குவதால் இந்த படம் வேற லெவலில் இருக்கும் என்று எதிர்பார்க்கப்படுகிறது
இயக்குனர் கார்த்திக் சுப்புராஜுக்கு எஸ்.ஆர்.பிரபு, மனோபாலா உள்பட பலர் தொடர்ந்து வாழ்த்துக்களை தெரிவித்து வருகின்றனர். இந்த படம் வரும் 2019ல் ரிலீஸ் ஆகும் என்று எதிர்பார்க்கப்படுகிறது.