முடிவடையும் நிலையில் கார்த்திக் சுப்புராஜின் அடுத்த படம்
- IndiaGlitz, [Wednesday,May 31 2017]
பீட்சா, ஜிகர்தண்டா, இறைவி போன்ற படங்களை இயக்கிய கார்த்திக் சுப்புராஜ் அடுத்து தனுஷ் நடிப்பில் விரைவில் ஒரு படத்தை இயக்கவுள்ளதாக வெளிவந்த செய்தியினை ஏற்கனவே பார்த்துள்ளோம். இந்த நிலையில் அதற்கு முன்னர் பிரபுதேவா நடித்து வரும் ஒரு படத்தை இயக்க ஆரம்பித்த கார்த்திக் சுப்புராஜ், கிட்டத்தட்ட அந்த படத்தை முடிக்கும் நிலையில் உள்ளார்.
இன்னும் ஓரிரு வாரங்களில் இந்த படம் முடிந்துவிடும் என்றும் அதன் பின்னர் படத்தின் டைட்டில் உள்பட மற்ற விபரங்களை அதிகாரபூர்வமாக அறிவிக்க கார்த்திக் சுப்புராஜ் முடிவு செய்துள்ளதாகவும் கூறப்படுகிறது.
ரொமான்ஸ் மற்றும் காமெடி படமாக உருவாகி வரும் இந்த படத்தின் பெரும்பாலான படப்பிடிப்பு புதுச்சேரியில் நடைபெற்றுள்ளது. தேசிய விருது பெற்ற ஒளிப்பதிவாளர் திரு இந்த படத்திற்கு ஒளிப்பதிவு செய்து வருகிறார். பிரபுதேவா தவிர இந்த படத்தில் நடிக்கும் நடிகர், நடிகையர் மற்றும் தொழில்நுட்ப குழுவினர் குறித்த தகவல்களை படக்குழுவினர் ரகசியமாக வைத்துள்ளதாக கூறப்படுகிறது.