'பேட்ட' படக்குழுவினர்களுக்கு 'குணமா' கோரிக்கை விடுத்த கார்த்திக் சுப்புராஜ்
- IndiaGlitz, [Monday,October 08 2018]
சூப்பர் ஸ்டார் ரஜினிகாந்த் நடித்து வரும் 'பேட்ட' திரைப்படத்தை இயக்கி வரும் இயக்குனர் கார்த்திக் சுப்புராஜ் தனது சமூக வலைத்தளத்தில் ஒரு கோரிக்கையை தனது படக்குழுவினர்களுக்கு முன்வைத்துள்ளார். இந்த படத்தின் படப்பிடிப்பின்போது எடுக்கப்படும் புகைப்படம், வீடியோக்களை லீக் செய்ய வேண்டாம் என்றும் உங்கள் எல்லோரின் ஒத்துழைப்பு இந்த விஷயத்தில் தனக்கு வேண்டும் என்றும் கூறியுள்ளார்.
சமீபத்தில் பேட்ட' படத்தின் படப்பிடிப்பின்போது எடுக்கப்பட்ட ஒரு வீடியோவை ஒரு முன்னணி செய்தி தொலைக்காட்சி ஒளிபரப்பியதை வருத்தத்துடன் குறிப்பிட்ட கார்த்திக் சுப்புராஜ், ஒரு முழு படத்தின் திருட்டுவீடியோக்களை கூட இதுமாதிரி ஊடகங்கள் எதிர்காலத்தில் வெளியிட தயங்க மாட்டார்கள் என்றும் இது ஊடக தர்மத்திற்கு எதிரானது என்றும் தெரிவித்துள்ளார்.
கார்த்திக் சுப்புராஜ் 'குணமா' சொன்ன இதே கருத்தை சமீபத்தில் 'சர்கார்' படத்தின் இயக்குனர் ஏ.ஆர்.முருகதாஸ் எச்சரிக்கையுடன் தெரிவித்தார் என்பதுடன் இதுகுறித்து சட்ட நடவடிக்கையும் எடுக்கப்படும் என்றும் கூறியிருந்தார் என்பது குறிப்பிடத்தக்கது