மணிரத்னம் இயக்கத்தில் 'செக்க சிவந்த வானம்' படத்தில் நடித்து முடித்துள்ள நடிகர் சிம்புவின் அடுத்த படம் என்னவாக இருக்கும் என்பதை தெரிந்து கொள்ள அவரது ரசிகர்கள் பெரும் ஆர்வத்தில் உள்ளனர். இந்த நிலையில் வெங்கட்பிரபு இயக்கத்தில் 'பில்லா 3' படத்தில் அவர் நடிக்கலாம் என்ற செய்தி உலா வந்து கொண்டிருக்கின்றது

இந்த நிலையில் தற்போது வெளிவந்துள்ள புதிய தகவலின்படி சிம்பு, அடுத்ததாக இளம் இயக்குனர் கார்த்திக் நரேன் இயக்கத்தில் ஒரு படத்தில் நடிக்க வாய்ப்பு இருப்பதாக கூறப்படுகிறது. இந்த படத்தை விஜயா புரடொக்சன்ஸ் நிறுவனம் தயாரிக்கவுள்ளதாகவும் இதுகுறித்த அதிகாரபூர்வமான அறிவிப்பு விரைவில் வெளிவரும் என்றும் கூறப்படுகிறது

கார்த்திக் நரேன் இயக்கிய 'துருவங்கள் 16' திரைப்படம் மிகப்பெரிய வெற்றி பெற்றதோடு, நல்ல விமர்சனத்தையும் பெற்றது. அதேபோல் அவர் இயக்கிய 2வது படமான 'நரகாசுரன்' படத்திற்கும் நல்ல எதிர்பார்ப்பு உள்ளது. இந்த நிலையில் சிம்புவுடன் கார்த்திக் நரேன் இணைந்தால் அந்த படம் பெரும் எதிர்பார்ப்பை ஏற்படுத்தும் என்பதில் எவ்வித சந்தேகமும் இல்லை.