கார்த்திக் நரேன் இயக்கத்தில் தனுஷ் நடித்த ’மாறன்’ திரைப்படத்தின் படப்பிடிப்பு முடிவடைந்த நிலையில் கார்த்திக் நரேன் இயக்கும் அடுத்த படத்தில் பிரபல ஹீரோ ஒருவர் நடிக்க உள்ளதாக தகவல்கள் வெளிவந்துள்ளன.

‘துருவங்கள் பதினாறு’ என்ற திரைப்படத்தின் மூலம் இயக்குனராக அறிமுகமான இயக்குனர் கார்த்திக் நரேன் அதன்பின்னர் அரவிந்த்சாமி நடித்த ‘நரகாசுரன்’ என்ற திரைப்படத்தை இயக்கினார். இந்த படம் ஒருசில காரணங்களால் வெளியாகாத நிலையில் விரைவில் ஓடிடியில் வெளியாக இருப்பதாக கூறப்படுகிறது. மேலும் அருண் விஜய் நடித்த ‘மாஃபியா’ என்ற திரைப்படத்தை இயக்கிய அவர் தற்போது தனுஷ் நடித்துள்ள ’மாறன்’ படத்தை இயக்கி முடித்துள்ளார் என்பதும் இந்த படத்தில் மாளவிகா மோகனன் உள்பட பலர் நடித்துள்ளனர் என்பதும் குறிப்பிடத்தக்கது.

இந்நிலையில் ’மாறன்’ படத்தை முடித்துள்ள கார்த்திக் நரேன் அடுத்ததாக ஐங்கரன் இண்டர்நேஷனல் நிறுவனத்தின் தயாரிப்பில் உருவாகும் படத்தை இயக்கவுள்ளார். இந்த படத்தில் நடிகர் அதர்வா நாயகனாக நடிக்க உள்ளதாக தகவல் வெளிவந்துள்ளது. அதர்வா தற்போது குருதி ஆட்டம், 8 தோட்டாக்கள், தள்ளிப்போகாதே ஆகிய படங்களில் நடித்து வருகிறார் என்பதும் தற்போது கார்த்திக் நரேன் இயக்கும் அடுத்த படத்திலும் நடிக்க உள்ளார் என்பது குறிப்பிடத்தக்கது.