கார்த்தி தற்போது பாண்டிராஜ் இயக்கத்தில் 'கடைக்குட்டி  சிங்கம்' என்ற படத்தில் நடித்து வருகிறார். இந்த நிலையில் அவருடைய அடுத்த படத்தை அறிமுக இயக்குநர் ரஜத் ரவிசங்கர் இயக்கவுள்ளார் என்பதையும் இந்த படத்தில் கார்த்தி ஜோடியாக ரகுல் ப்ரித்தி சிங் நடிக்கவுள்ளார் என்பதையும் ஏற்கனவே பார்த்தோம்

இந்த நிலையில் இந்த படத்தில் சீனியர் நட்சத்திரங்களான நவரச நாயகன் கார்த்திக், ரம்யாகிருஷ்ணன் ஆகியோர் முக்கிய கேரக்டர்களில் நடிக்கவுள்ளனர் என்பது ஒரு ஆச்சரியமான தகவல். இவர்கள் இருவரும் சமீபத்தில் வெளியான சூர்யாவின் 'தானா சேர்ந்த கூட்டம்' படத்தில் நடித்திருந்தனர் என்பது குறிப்பிடத்தக்கது.

ரிலையன்ஸ் பிக்சர்ஸ் நிறுவனம் தயாரிக்கும் இந்த படத்தை பிரின்ஸ் பிக்சர்ஸ் S. லக்ஷ்மன் குமார் தயாரிக்கிறார். ஹாரிஸ் ஜெயராஜ் இசையில் வேல்ராஜ் ஒளிப்பதிவில் ரூபன் படத்தொகுப்பில் இந்த படம் உருவாகவுள்ளது.