விஜய்யை அடுத்து ரஜினியுடன் மோதும் கார்த்திக்
- IndiaGlitz, [Wednesday,September 25 2019]
தளபதி விஜய் நடித்த 'பிகில்' திரைப்படம் வரும் தீபாவளி அன்று வெளியாக உள்ள நிலையில் அதே நாளில் கார்த்தி நடித்த 'கைதி' திரைப்படமும் வெளியாவது உறுதி செய்யப்பட்டுள்ளதாக வெளிவந்த செய்தியை ஏற்கனவே பார்த்தோம்.
இந்த நிலையில் விஜய்யை அடுத்து ரஜினி படம் வெளியாகும் தினத்தன்றும் கார்த்தி நடித்த படம் ஒன்று வெளியாக இருப்பதாக செய்திகள் வெளியாகியுள்ளது
சூப்பர் ஸ்டார் ரஜினிகாந்த் நடிப்பில், இயக்குநர் ஏஆர் முருகதாஸ் இயக்கத்தில் உருவாகி வரும் திரைப்படம் 'தர்பார்'. இந்த படம் வரும் ஜனவரி மாதம் பொங்கல் அன்று வெளியிட திட்டமிடப்பட்டுள்ளது. இதற்கான பணிகள் தற்போது நடந்து வரும் நிலையில் தற்போது அதே பொங்கல் தினத்தில் கார்த்தியின் இன்னொரு படம் வெளியாக இருப்பதாக செய்திகள் வெளியாகியுள்ளது. கார்த்தி, ஜோதிகா இருவரும் இணைந்து நடிக்க ஜீத்து ஜோசப் இயக்கி வரும் படம் தான் பொங்கலன்று வெளியாக இருப்பதாக கூறப்படுகிறது. இருப்பினும் இந்த இரு படங்களின் ரிலீஸ் தேதி அதிகாரப்பூர்வமாக அறிவிக்கப்படவில்லை என்பது குறிப்பிடத்தக்கது
கடந்த பொங்கல் தினத்தில் ரஜினியின் 'பேட்ட' திரைப்படம் மற்றும் அஜித்தின் விஸ்வாசம் திரைப்படம் வெளிவந்து இரண்டு படங்களும் வெற்றி பெற்றது போல் வரும் தீபாவளி மற்றும் பொங்கல் தினங்களில் வெளியாகும் படங்களும் வெற்றி பெற வேண்டும் என்பதே அனைவரின் விருப்பமாகும்