கார்த்தி நடித்த 'தீரன் அதிகாரம் ஒன்று' திரைப்படம் உலகம் முழுவதும் நல்ல வரவேற்பை பெற்று வசூலை அள்ளி கொண்டிருக்கின்றது. நடிகர் கார்த்திக்கு இந்த படம் ஒரு மைல்கல் என்றால் அது மிகையில்லை. இந்த படத்தின் வெற்றியால் கார்த்தின் மார்க்கெட்டும் உயர்ந்துள்ளதாக கூறப்படுகிறது.

இந்த நிலையில் சமீபத்தில் சமூக வலைத்தளத்தில் ரசிகர்களின் கேள்விகளுக்கு பதிலளித்த கார்த்தி, அஜித் மற்றும் விஜய் குறித்து தன்னுடைய கருத்தை தெரிவித்துள்ளார்

விஜய்யை தனக்கு லயோலா கல்லூரியில் படிக்கும் போதிலிருந்தே தெரியும் என்றும், அவர் எளிமை மற்றும் தன்னம்பிக்கைக்கு எடுத்துக்காட்டாக உள்ளார் என்றும் கேள்வி ஒன்றுக்கு பதிலளித்தார்.

அதேபோல் அஜித் குறித்து அவர் கூறியபோது, 'அஜித் ஒரு சிறந்த ஜெண்டில்மேன் என்றும், நீங்கள் அவரை நேரில் பார்த்தால் அவரை இன்னும் அதிகமாக பிடிக்கும் என்றும் கூறினார்.

மேலும் சூர்யாவின் படத்தை இயக்குவீர்களா? என்ற கேள்விக்கு, 'ஏற்கனவே நான் சூர்யாவின் படத்தில் உதவி இயக்குனராக பணிபுரிந்துள்ளேன். நிச்சயம் ஒருநாள் அண்ணாவை அசத்தும் திரைக்கதையுடன் அவர் முன் நிற்பேன்' என்று கூறியுள்ளார்.