హీరో సూర్య సోద‌రుడిగా సినిమా ఇండ‌స్ట్రీకి ప‌రిచ‌యమైనా ఆవారా, నా పేరు శివ వంటి చిత్రాల‌తో తెలుగు ప్రేక్ష‌కుల‌కు ద‌గ్గ‌ర‌య్యారు హీరో కార్తి. అక్క‌డి నుండి ఆయ‌న ప్ర‌తి సినిమా దాదాపుగా త‌మిళంతో పాటు తెలుగులోనూ విడుద‌ల‌వుతూ వ‌స్తుంది. రీసెంట్‌గా `దేవ్‌` చిత్రంతోనూ ప్రేక్ష‌కుల‌ను మెప్పించే ప్ర‌య‌త్నం చేసిన కార్తి స‌క్సెస్ కాలేక‌పోయాడు. అయితే ఈ హీరో ఇప్పుడు స్ట్ర‌యిట్ తెలుగు సినిమా చేయ‌డానికి రెడీ అవుతున్నాడ‌ని టాక్‌.

`ఊపిరి` వంటి స్ట్ర‌యిట్ తెలుగు సినిమాతో విజ‌యాన్ని సాధించిన కార్తి.. మ‌రో స్ట్ర‌యిట్ తెలుగు సినిమాకు సిద్ధ‌మ‌వుతున్నాడ‌ని వార్త‌లు విన‌ప‌డుతున్నాయి. ఐతే, అనుకోకుండా ఒక‌రోజు,సాహ‌సం, మ‌న‌మంతా... ఇలా వైవిధ్య‌మైన చిత్రాల‌ను తెర‌కెక్కించిన ద‌ర్శ‌కుడు చంద్ర శేఖ‌ర్ ఏలేటి కార్తితో సినిమా చేస్తాడ‌ట‌. ఇప్ప‌టికే కార్తికి రెండు క‌థ‌లు వినిపిస్తే ఒక‌దాన్ని కార్తి ఫైన‌ల్ చేశాడ‌ట‌. ఇప్పుడు ఏలేటి స్క్రిప్ట్ సిద్ధం చేస్తున్నాడ‌ని త్వ‌ర‌లోనే పూర్తి స్క్రిప్ట్‌ను కార్తికి వినిపిస్తాడ‌ట ఏలేటి.