கார்த்திக் சுப்புராஜின் 'இறைவி' குறித்த முக்கிய அறிவிப்பு
- IndiaGlitz, [Tuesday,January 05 2016]
பீட்சா, ஜிகர்தண்டா ஆகிய இரண்டே படத்தின் வெற்றியின் மூலம் ரஜினி, விஜய் படங்களை இயக்கும் இயக்குனர்கள் பட்டியலில் இடம்பெற்ற பிரபல இயக்குனர் கார்த்திக் சுப்புராஜ் தற்போது இயக்கி முடித்துள்ள படம் 'இறைவி'. இந்த படத்தின் படப்பிடிப்பு சமீபத்தில் முடிவடைந்து போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வருகிறது.
இந்நிலையில் இந்த படத்தின் ஃபர்ஸ்ட் லுக் நாளை (ஜனவரி 6) வெளியாகவுள்ளதாக கூறப்படுகிறது.
விஜய்சேதுபதி, எஸ்.ஜே.சூர்யா, பாபிசிம்ஹா, அஞ்சலி, கமாலினி முகர்ஜி, கருணாகரன் உள்பட பலர் நடித்துள்ள 'இறைவி' படத்திற்கு சந்தோஷ் நாராயணன் இசையமைத்துள்ளார். சி.வி.குமாரின் திருக்குமரன் எண்டர்டெயின்மெண்ட் நிறுவனம் தயாரித்துள்ள இந்த படத்திற்கு சிவகுமார் விஜயன் ஒளிப்பதிவும், விவேக் ஹர்சன் படத்தொகுப்பும் செய்துள்ளனர்.