మ‌రోసారి మెగా టైటిల్‌తో
- IndiaGlitz, [Tuesday,November 12 2019]
త‌మిళంతో పాటు తెలుగులో కూడా మంచి మార్కెట్ ఉన్న హీరోల్లో కార్తి ఒక‌రు. ఆయ‌న హీరోగా న‌టించిన ప్ర‌యోగాత్మ‌క చిత్రం 'ఖైదీ' తెలుగు, త‌మిళ భాష‌ల్లో విడుద‌లై ఘ‌న విజ‌యాన్ని సాధించింది. వంద‌కోట్ల రూపాయ‌ల వసూళ్ల‌ను సాధించింది. ఈ సినిమాను అనౌన్స్ చేసినప్పుడు సినిమా ఎలా ఉంటుందోన‌ని తెగ టెన్ష‌న్ ప‌డ్డ వారిలో మెగా ఫ్యాన్స్ కూడా ఉన్నారు. ఎందుకంటే చిరంజీవి స్టార్‌డ‌మ్‌ను తెచ్చి పెట్టిన సినిమా ఖైదీ. ఆ టైటిల్‌తో వ‌చ్చిన కార్తి సినిమా హిట్ కావ‌డంతో వారు ఊపిరి పీల్చుకున్నారు.
తాజాగా ఇప్పుడు మ‌రోసారి కార్తి మెగా ఫ్యామిలీ హీరో టైటిల్‌నే త‌న సినిమాకు వాడుకోవాల‌న‌కుంటున్నాడ‌ని సినీ వ‌ర్గాల స‌మాచారం. వివ‌రాల్లోకెళ్తే దృశ్యం ఫేమ్ జీతూ జోసెఫ్ ద‌ర్శ‌క‌త్వంలో కార్తీ ఓ సినిమా చేశాడు.
ఈ సినిమా ప్ర‌స్తుతం నిర్మాణానంత‌ర కార్య‌క్ర‌మాల‌ను జర‌పుకుంటుంది. ఈ సినిమాలో కార్తి వ‌దిన, హీరోయిన్ జ్యోతిక ఆయ‌న‌కు అక్క పాత్ర‌లో న‌టించ‌డం విశేషం. కాగా.. ఈ సినిమాకు త‌మిళంలో 'తంబి' అనే టైటిల్‌ను పెట్టాల‌నుకుంటున్నార‌ట. తంబి అంటే త‌మ్ముడు అని అర్థం కాబ్ట‌టి 'త‌మ్ముడు' టైటిల్‌నే కార్తి తెలుగు వెర్ష‌న్‌కు పెట్టాల‌నుకుంటున్నార‌ట.
చిరు సూప‌ర్‌డూప‌ర్‌హిట్ త‌ర్వాత ప‌వ‌న్ కెరీర్‌లో వ‌న్ ఆఫ్ ది సూప‌ర్ డూప‌ర్ హిట్ మూవీ త్మ‌ముడు టైటిల్‌తో కార్తి మ‌న ముందుకు రానున్నాడు. ఈ సినిమాను డిసెంబ‌ర్‌లో విడుద‌ల చేస్తార‌ని వార్త‌లు విన‌ప‌డుతున్నాయి.