'காஷ்மோரா' படத்தின் பின்னர் கார்த்தி தற்போது பிரபல இயக்குனர் மணிரத்னம் இயக்கத்தில் 'காற்று வெளியிடை' என்ற படத்தில் நடித்து வருகிறார். இந்த படம் அடுத்த ஆண்டு காதலர் தினத்தில் வெளியாகும் என்று எதிர்பார்க்கப்படுகிறது.

இந்நிலையில் சதுரங்க வேட்டை இயக்குனர் வினோத் இயக்கத்தில் கார்த்தி ஒரு படத்தில் நடிக்கவுள்ளார் என்பதை ஏற்கனவே பார்த்தோம். இந்த படத்தின் டைட்டில் மற்றும் கார்த்தியின் கேரக்டர் குறித்த தகவல் தற்போது வெளிவந்துள்ளது.

இந்த படத்திற்கு 'தீரன் அதிகாரம் ஒன்று' என்ற டைட்டில் வைக்கப்பட்டுள்ளது. பிரபல இயக்குனர் சிவா இயக்கிய முதல் படமான 'சிறுத்தை' படத்திற்கு பின்னர் கார்த்தி மீண்டும் இந்த படத்தில் போலீஸ் அதிகாரியாக நடிக்கவுள்ளார். இந்த படத்தில் கார்த்தி ஜோடியாக ராகுல் ப்ரீத்சிங் நடிக்கிறார்

'சதுரங்கவேட்டை` புகழ் H.வினோத் கதை, திரைகதை, வசனம் எழுதி டைரக்ட் செய்யும் இந்த படத்திற்கு சத்யா ஒளிப்பதிவு செய்கிறார். டிரீம் வாரியர் பிக்சர்ஸ் தயாரிக்கும் இந்த படத்தின் படப்பிடிப்பு சென்னையில் ஜனவரி முதல் வாரம் முதல் ஆரம்பமாகிறது.