சமீபத்தில் ஹிட் கொடுத்த இயக்குனருடன் இணையும் கார்த்தி!
- IndiaGlitz, [Monday,January 24 2022]
சமீபத்தில் ஹிட் படத்தை கொடுத்த இயக்குனருடன் நடிகர் கார்த்தி இணைய உள்ளதாக தகவல்கள் வெளியாகி உள்ளன.
பிரபல நடிகர் கார்த்தி, மணிரத்தினம் இயக்கிய ’பொன்னியின் செல்வன்’ என்ற திரைப்படத்தில் நடித்து முடித்துள்ள நிலையில் அதனை அடுத்து கொம்பன் முத்தையா இயக்கத்தில் உருவாகியுள்ள ‘விருமன்’ என்ற திரைப்படத்திலும் நடித்து முடித்துள்ளார். இந்த இரண்டு படங்களும் அடுத்தடுத்து வெளியாகவுள்ளது.
மேலும் ’இரும்புத்திரை’ இயக்குனர் பிஎஸ் மித்ரன் இயக்கத்தில் உருவாகி வரும் ‘சர்தார்’ என்ற திரைப்படத்திலும் கார்த்தி நடித்து வருகிறார் என்பதும் இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பது குறிப்பிடத்தக்கது.
இந்த நிலையில் சமீபத்தில் வெளியாகி ஹிட்டான ஜீவி பிரகாஷ் நடித்த ’பேச்சிலர்’ திரைப்படத்தை இயக்கிய சதீஷ் செல்வகுமார் இயக்கும் அடுத்த படத்தில் கார்த்தி நடிக்க உள்ளதாகவும் இந்த படத்தை ட்ரீம் வாரியர் பிக்சர்ஸ் நிறுவனம் தயாரிக்க உள்ளதாகவும் விரைவில் இந்த படம் குறித்து அதிகாரப்பூர்வ அறிவிப்பு வெளியாகும் என்றும் கூறப்படுகிறது.
முதல் படத்திலேயே சிக்சர் அடித்த சதீஷ் செல்வகுமாரும், தொடர்ச்சியாக வெற்றி படங்களை கொடுத்து வரும் கார்த்தியும் இணையவுள்ளதை அடுத்து இந்த படத்தின் எதிர்பார்ப்பும் அதிகரித்துள்ளது.