கார்த்தி, தமன்னா, நாகார்ஜூனன் நடித்துள்ள 'தோழா' படத்தின் படப்பிடிப்பு முடிவடைந்து தற்போது விறுவிறுப்பாக போஸ்ட் புரடொக்ஷன்ஸ் பணிகள் நடைபெற்று வருகிறது. இந்த படத்தின் டீசர் நேற்று மாலை வெளிவந்து பெரும் வரவேற்பை பெற்ற நிலையில் இந்த படத்தின் இசை வெளியீட்டு விழா வரும் பிப்ரவரி 26ஆம் தேதி நடைபெறவுள்ளது.

இந்த இசை வெளியீட்டு விழா சென்னை சாந்தோமில் உள்ள St.Bedes School என்ற பள்ளியில் 2500மாணவர்களுக்கு மத்தியில் நடைபெறவுள்ளதாக தகவல்கள் வெளிவந்துள்ளது. இந்த பள்ளியில்தான் கார்த்தி சிறுவயதில் தனது பள்ளிப்படிப்பை முடித்தார் என்பது குறிப்பிடத்தக்கது. தோழா' படத்திற்காக மீண்டும் தான் படித்த பள்ளிக்கு கார்த்தி செல்லவுள்ளார் என்பது குறிப்பிடத்தக்கது.

பிவிபி நிறுவனம் பிரமாண்டமாக தயாரித்துள்ள இந்த படத்தை வம்சி இயக்கியுள்ளார். இந்த படம் வரும் மார்ச் மாதம் வெளியாகவுள்ளது. 'பையா' படத்திற்கு பின்னர் மீண்டும் கார்த்தி, தமன்னா இணையவுள்ள திரைப்படம் என்பதால் இப்படத்திற்கு பெரும் எதிர்பார்ப்பு ஏற்பட்டுள்ளது. இந்த படம் தமிழ், தெலுங்கு என ஒரே நேரத்தில் இரண்டு மொழிகளில் வெளியாகவுள்ளது என்பது குறிப்பிடத்தக்கது.