கார்த்தி நடித்து முடித்துள்ள ‘சுல்தான்’ திரைப்படம் ஏப்ரல் 2ஆம் தேதி வெளியாக இருப்பதாக ஏற்கனவே அறிவிக்கப்பட்டுள்ள நிலையில் இந்த படத்தின் புரமோஷன் பணிகள் விறுவிறுப்பாக கடந்த சில நாட்களாக நடைபெற்று வருகின்றன

‘சுல்தான்’ படத்தின் டீஸர் மற்றும் இரண்டு சிங்கிள் பாடல்கள் ஏற்கனவே வெளியாகி நல்ல வரவேற்பை பெற்றுள்ளது என்பது தெரிந்ததே. இந்த நிலையில் சற்று முன்னர் ‘சுல்தான்’ படத்தின் மூன்றாவது சிங்கிள் பாடல் வெளியாகி உள்ளது

’எப்படி இருந்த நாங்க’ என்று தொடங்கும் இந்த பாடலை இசையமைப்பாளர்கள் விவேக்-மெர்வின் கம்போஸ் செய்ய, விவேகா பாடலை எழுத, அந்தோணிதாசன் பாடியுள்ளார். அவருடன் மகாலிங்கம் மற்றும் விவேக் சிவா ஆகியோரும் பாடியுள்ளனர் என்பது குறிப்பிடத்தக்கது

பாக்யராஜ் கண்ணன் இயக்கத்தில் ட்ரீம் வாரியர்ஸ் நிறுவனத்தின் சார்பில் எஸ்ஆர் பிரபு தயாரித்திருக்கும் இந்த திரைப்படத்திற்கு சத்யன் சூரியன் ஒளிப்பதிவும், ரூபன் படத்தொகுப்பும் செய்துள்ளனர்

‘சுல்தான்’ திரைப்படம் இந்த ஆண்டின் மிகுந்த எதிர்பார்ப்புக்குரிய ஒரு திரைப்படம் என்பது குறிப்பிடத்தக்கது.