கார்த்தியின் 'சர்தார்' பிசினஸ் ஆரம்பம்: முக்கிய தகவல்
- IndiaGlitz, [Saturday,February 12 2022]
நடிகர் கார்த்தி நடித்துவரும் ‘சர்தார்’ படத்தின் படப்பிடிப்பு தற்போது சென்னையில் நடைபெற்று வருவதாகவும் இந்த படப்பிடிப்பில் கார்த்தி, ராஷிகண்ணா உள்பட படக்குழுவினர் அனைவரும் கலந்து கொண்டு இருப்பதாகவும் சமீபத்தில் ராஷிகண்ணா இந்த படத்தின் படப்பிடிப்பில் எடுத்த புகைப்படத்தை பதிவு செய்த நிலையில் அந்த புகைப்படம் வைரல் ஆனது என்பதும் தெரிந்ததே.
இந்த நிலையில் ‘சர்தார்’ படத்தின் படப்பிடிப்பு கிட்டதட்ட முடிவடைந்துவிட்ட நிலையில் இந்த படத்தின் தொழில்நுட்ப பணிகள் விறுவிறுப்பாக நடைபெற்று வருகிறது. இந்த நிலையில் தற்போது இந்த படத்தின் பிசினஸ் தொடங்கி விட்டதாகவும் முதல் கட்டமாக ‘சர்தார்’ படத்தின் டிஜிட்டல் ரிலீஸ் உரிமையை ஆஹா தமிழ் ஓடிடி நிறுவனம் மிகப்பெரிய தொகைக்கு பெற்றுள்ளதாகவும் தகவல்கள் வெளியாகியுள்ளன. இருப்பினும் இந்த படம் திரையரங்கில் ரிலீஸ் ஆன பின்னரே ஓடிடியில் ரிலீஸ் ஆகும் என்பது குறிப்பிடத்தக்கது.
வித்தியாசமான இரண்டு வேடங்களில் கார்த்தி நடித்துள்ள இந்த திரைப்படத்தில் ராஷி கண்ணா, ரஜிஷா விஜயன், சிம்ரன் உள்ளிட்ட பலர் நடித்துள்ளனர். ஜீவி பிரகாஷ் இசையமைத்துள்ள இந்த படத்தை ’இரும்புத்திரை’ இயக்குனர் பிஎஸ் மித்ரன் இயக்கி உள்ளார் என்பதும் இந்த படத்தை பிரின்ஸ் பிக்சர்ஸ் நிறுவனம் தயாரித்து வருகிறது என்பது குறிப்பிடத்தக்கது.