கார்த்தியின் 'கைதி' அதிகாரபூர்வ ரிலீஸ் தேதி அறிவிப்பு:
- IndiaGlitz, [Tuesday,August 27 2019]
கார்த்தி நடித்து வந்த 'கைதி' திரைப்படத்தின் படப்பிடிப்பு முடிவடைந்து ரிலீசுக்கு தயாராக இருக்கும் நிலையில் சற்றுமுன் இந்த படத்தின் ரிலீஸ் தேதி அதிகாரபூர்வமாக அறிவிக்கப்பட்டுள்ளது
'கைதி' திரைப்படம் வரும் தீபாவளி விருந்தாக வெளிவரும் என்று அறிவிக்கப்பட்டுள்ளது. இந்த தகவலை கார்த்தி தனது சமூக வலைத்தளத்தில் உறுதி செய்துள்ளார்.
ஏற்கனவே தீபாவளி தினத்தில் விஜய்யின் 'பிகில்', விஜய்சேதுபதியின் 'சங்கத்தமிழன்' ஆகிய திரைப்படங்கள் வெளியாகவுள்ள நிலையில் தற்போது 'கைதி' திரைப்படமும் தீபாவளி ரிலீஸ் பட்டியலில் இணைந்துள்ளது
'கைதி' திரைப்படத்தின் இயக்குனர் லோகேஷ் கனகராஜ் தான் விஜய்யின் அடுத்த படமான 'தளபதி 64' திரைப்படத்தை இயக்கவுள்ளார் என்பதும், அவருடைய 'கைதி' திரைப்படம் விஜய்யின் படத்துடன் மோதுகிறது என்பதும் குறிப்பிடத்தக்கது