கார்த்தியின் 'கைதி' டீசர் ரிலீஸ் தேதி அறிவிப்பு
- IndiaGlitz, [Friday,May 24 2019]
கார்த்தியின் 'தேவ்' திரைப்படம் எதிர்பார்த்த வெற்றியை பெறாத நிலையில் அவர் தற்போது லோகேஷ் கனகராஜ் இயக்கத்தில் உருவாகி வரும் 'கைதி' என்ற படத்தில் நடித்து வருகிறார். ஹீரோயின், ரொமான்ஸ், டூயட் இல்லாமல் முழுக்க முழுக்க த்ரில், சஸ்பென்ஸ், விறுவிறுப்பான கதையம்சம் கொண்ட இந்த படம் பெரும் எதிர்பார்ப்பை ஏற்படுத்தியுள்ளது.
இந்த நிலையில் இயக்குனர் லோகேஷ் கனகராஜ் சற்றுமுன் தனது சமூக வலைத்தளத்தில் 'கைதி' படத்தின் அடுத்த அட்டகாசமான போஸ்டரை வெளியிட்டு அதனுடன் இந்த படத்தின் டீசர் ரிலீஸ் தேதியையும் அறிவித்துள்ளார். அதன்படி 'கைதி' படத்தின் டீசர் வரும் 30ஆம் தேதி வியாழனன்று வெளியாகவுள்ளது.
ட்ரீம் வாரியர் மூவீஸ் நிறுவனம் தயாரித்திருக்கும் இந்த படத்தில் கார்த்தியுடன் நரேன், தீனா, ஜார்ஜ் மரியான் உள்பட பலர் நடித்துள்ளனர். சாம் சிஎஸ் இசையில் சத்யன் சூரியன் ஒளிப்பதிவில் உருவாகியுள்ள இந்த படம் விரைவில் வெளியாகவுள்ளது. இந்த படத்தை அடுத்து லோகேஷ் கனகராஜ் விஜய் நடிக்கவுள்ள 'தளபதி 64' படத்தை இயக்கவுள்ளார் என்பது குறிப்பிடத்தக்கது.