'ஜப்பான்' படத்தின் செம போஸ்டர்.. வித்தியாசமான தோற்றத்தில் கார்த்தி!
- IndiaGlitz, [Sunday,January 15 2023]
கார்த்தி நடித்த ’பொன்னியின் செல்வன்’ மற்றும் ’சர்தார்’ ஆகிய இரண்டு திரைப்படங்கள் கடந்த ஆண்டு வெளியாகி நல்ல வரவேற்பு பெற்ற நிலையில் தற்போது அவர் ‘ஜப்பான்’ என்ற படத்தில் நடித்து வருகிறார். இந்த படத்தின் படப்பிடிப்பு விறுவிறுப்பாக நடைபெற்று வருகிறது.
இயக்குனர் ராஜூ முருகன் இயக்கத்தில் உருவாகி வரும் இந்த படம் தமிழ், தெலுங்கு, கன்னடம் மற்றும் மலையாளம் ஆகிய நான்கு மொழிகளில் உருவாகி வருகிறது. இந்த நிலையில் பொங்கல் திருவிழாவை முன்னிட்டு ‘ஜப்பான்’ படத்தின் போஸ்டர் வெளியாகி உள்ள நிலையில் இந்த போஸ்டரில் கார்த்தி இதுவரை இல்லாத வகையில் வித்தியாசமான தோற்றத்தில் இருப்பதை பார்த்து ரசிகர்கள் ஆச்சரியம் அடைந்துள்ளனர்.
வித்தியாசமான ஹேர் ஸ்டைல் மற்றும் காஸ்ட்யூமில் கழுத்தில் டாலருடன் கூடிய செயின் என கார்த்தி அட்டகாசமாக உள்ளார். ஜிவி பிரகாஷ் இசையில், ரவிவர்மன் ஒளிப்பதிவில், பிலோமின் ராஜ் படத்தொகுப்பில், அன்பறிவு ஸ்டாண்ட் இயக்கத்தில் இந்த படம் உருவாகி வருகிறது.
கார்த்தியின் 25வது படமான இந்த படத்தை ட்ரீம் வாரியர் பிக்சர்ஸ் நிறுவனம் தயாரித்து வருகிறது. இந்த படத்தின் அடுத்தடுத்த அப்டேட்டுக்கள் விரைவில் வெளியாகும் என எதிர்பார்க்கப்படுகிறது.
Japan’s pongal wishes to all dear ones! pic.twitter.com/VvFecaAYZP
— Karthi (@Karthi_Offl) January 15, 2023