'கடைகுட்டி சிங்கம்' என்ற சூப்பர் ஹிட் படத்தை கடந்த ஆண்டு கொடுத்த கார்த்தி நடித்து வரும் அடுத்த படம் 'தேவ்'. அதிரடி ஆக்சன் படமான இந்த படத்திற்கு மிகப்பெரிய எதிர்பார்ப்பு உள்ளது என்பது தெரிந்ததே.

இந்த படத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் முடிவடைந்து ரிலீசுக்கு தயாராக உள்ள நிலையில் இந்த படம் வரும் பிப்ரவரியில் வெளியாகும் என எதிர்பார்க்கப்பட்டது. இந்த நிலையில் இந்த படம் வரும் காதலர் தினமான பிப்ரவரி 14ஆம் தேதி வெளியாகும் என்று தற்போது அதிகாரபூர்வமாக அறிவிக்கப்பட்டுள்ளது. இதனையடுத்து கார்த்தியின் ரசிகர்கள் உற்சாகமாக உள்ளனர்.

கார்த்தி, ரகுல் ப்ரித்திசிங், பிரகாஷ்ராஜ், ரம்யாகிருஷ்ண்னன் உள்பட பலர் நடித்துள்ள இந்த படத்தை ரஜத் ரவிசங்கர் இயக்கியுள்ளார். ஹாரீஸ் ஜெயராஜ் இசையில் வேல்ராஜ் ஒளிப்பதிவில், அந்தோணி ரூபன் படத்தொகுப்பில் உருவாகியுள்ள இந்த படத்தை பிரின்ஸ் பிக்சர்ஸ் நிறுவனம் தயாரித்துள்ளது.