கார்த்தியின் 'தேவ்' இசை வெளியீடு தேதி அறிவிப்பு
- IndiaGlitz, [Tuesday,December 25 2018]
'தீரன் அதிகாரம் ஒன்று', 'கடைக்குட்டி சிங்கம்' ஆகிய இரண்டு வெற்றி படங்களை அடுத்து கார்த்தி நடித்து வரும் திரைப்படம் 'தேவ்'. இந்த படத்தின் சிங்கிள் பாடலான 'அனங்கே சிணுங்கலாமா? நெருங்கி அணைக்கலாமா' என்ற பாடல் சமீபத்தில் வெளிவந்து சூப்பர் ஹிட் ஆனது என்பது தெரிந்ததே
இந்த நிலையில் இந்த படத்தின் அனைத்து பாடல்களும் வரும் 29ஆம் தேதி வெளியாகவுள்ளதாக அறிவிக்கப்பட்டுள்ளது. ஹாரீஸ் ஜெயராஜ் இசையில் அமைந்துள்ள இந்த பாடல் பெரும் வரவேற்பை பெரும் என எதிர்பார்க்கப்படுகிறது.
கார்த்தி, ரகுல் ப்ரீத்திசிங், பிரகாஷ்ராஜ், ரம்யாகிருஷ்ணன், விக்னேஷ், அம்ருதா, நிக்கி கல்ராணி, ரேணுகா, வம்சி கிருஷ்ணா உள்ளிட்ட பலர் நடித்துள்ள இந்த படத்தை ரஜத் ரவிசங்கர் இயக்கியுள்ளார். வேல்ராஜ் ஒளிப்பதிவில், ரூபன் படத்தொகுப்பில் உருவாகி வரும் இந்த படத்தின் ரிலீஸ் தேதி விரைவில் அறிவிக்கப்படும் என எதிர்பார்க்கப்படுகிறது.