ఆటో రైడ్ చేసిన కార్తి
- IndiaGlitz, [Tuesday,July 17 2018]
హీరో కార్తి.. 'చిన‌బాబు' సినిమా రీసెంట్‌గా విడుద‌లై మంచి టాక్‌ను సంపాదించుకుంది. కార్తి ఈ స‌క్సెస్‌ను ప్ర‌జ‌ల్లోకి మ‌రింత‌గా తీసుకెళ్ల‌డానికి త‌న వంతు ప్ర‌య‌త్నాలు చేశాడు. అందులో భాగంగా స‌క్సెస్ టూర్‌లో కూడా భాగ‌మ‌య్యాడు కార్తి.
వైజాగ్‌, కాకినాడు, విజ‌య‌వాడ, రాజ‌మండ్రి, ఖ‌మ్మం, వ‌రంగ‌ల్ ప్రాంతాల్లో థియేట‌ర్స్‌కు వెళ్లి ప్రేక్ష‌కుల‌ను క‌లిశాడు. తిరుగు ప్ర‌యాణంలో హైద‌రాబాద్ స‌క్సెస్‌మీట్‌కు రావ‌డానికి కార్తికి ఆల‌స్య‌మైంది.
ముఖ్యంగా బ‌స చేసిన హోటల్ నుండి ట్రాఫిక్ ఎక్కువ‌గా ఉండ‌టంతో.. హీరో కార్తి.. నిర్మాత మిర్యాల ర‌వీంద‌ర్ రెడ్డితో క‌లిసి ఆటోలో ప్ర‌యాణించి ప్ర‌సాద్ ల్యాబ్స్‌కు చేరుకున్నాడు.