புளிய மரத்தில் ஏறி தலைகிழாய் தொங்கிய நடிகர் கார்த்தி: வைரல் புகைப்படம்!
- IndiaGlitz, [Saturday,March 13 2021]
தமிழ் திரையுலகின் இளையதலைமுறை நடிகர்களில் ஒருவரான கார்த்தி தற்போது ’சுல்தான்’ என்ற படத்தில் நடித்து முடித்துள்ளார் என்பதும் இந்த படம் விரைவில் ரிலீசாக உள்ளது என்பதும் தெரிந்ததே
மேலும் அவர் மணிரத்னம் இயக்கத்தில் உருவாகி வரும் ’பொன்னியின் செல்வன் என்ற திரைப்படத்தில் கதாநாயகனாக வந்தியதேவன் கேரக்டரில் நடித்து வருகிறார் என்பதும் இந்தப் படம் மிகப் பெரிய எதிர்பார்ப்புக்குரிய படம் என்பது குறிப்பிடத்தக்கது
இந்த நிலையில் கார்த்தி தனது இன்ஸ்டாகிராம் பக்கத்தில் புளிய மரத்தில் ஏறி கிளையைப் பிடித்துக்கொண்டு தலைகீழாக தொங்குவது போன்ற ஒரு புகைப்படத்தை பதிவு செய்துள்ளார். இந்த புகைப்படத்தில் ’நான் சின்ன வயதில் புளிய மரம் ஏறி விளையாடுவது எனக்கு ஞாபகம் வந்தது என்றும் அதன் பிறகு தற்போது மீண்டும் எனது சொந்த ஊரில் புளிய மரத்தில் ஏறியிருப்பதாகவும் அவர் குறிப்பிட்டுள்ளார். இந்த புகைப்படம் தற்போது இணையதளங்களில் வைரலாகி வருகிறது என்பது குறிப்பிடத்தக்கது