'ఖాకి' ప్రమోషన్స్పై సంతోషాన్ని వ్యక్తం చేసిన కార్తి,రకుల్
- IndiaGlitz, [Thursday,November 23 2017]
తెలుగులో రెండు దశాబ్దాలుగా ఆడియో రంగంలో టాప్ పోజిషన్లో ఉన్న ఆదిత్య మ్యూజిక్..తొలిసారి నిర్మాణ రంగంలోకి అడుగుపెట్టింది. ఉమేష్ గుప్తా, సుభాష్ గుప్తా నిర్మాతలుగా 'ఖాకి' చిత్రాన్ని తెలుగులో విడుదల చేశారు. ఈ యాక్షన్ థ్రిల్లర్తో తిరుగులేని సక్సెస్ను సొంతం చేసుకున్నారు. ముఖ్యంగా ప్రమోషన్స్ విషయంలో ఎంతో కేర్ తీసుకున్నారు. ప్రింట్, ఎలక్ట్రానిక్, వెబ్, సోషల్ మీడియాల ద్వారా సినిమాను ప్రేక్షకులకు రీచ్ చేయించారు.
దీని గురించి హీరో కార్తి మాట్లాడుతూ "ఆదిత్య మ్యాజిక్ వారు మా ఖాకి చిత్రంతో నిర్మాణ రంగంలోకి అడుగుపెట్టడం హ్యాపీగా ఉంది. ముందు ఈ సినిమాను తెలుగులో ఎవరు తీసుకున్నారని అడిగినప్పుడు ఆదిత్య మ్యూజిక్ వారు అన్నారు. అయితే వారు ఆడియో రైట్స్ తీసుకున్నారనుకున్నాను. కానీ వారు సినిమా థియేట్రికల్ రైట్స్ తీసుకుని ఎక్కడా కాంప్రమైజ్ కాకుండా విడుదల చేశారు. ఇలాంటి వ్యక్తుల ద్వారా సినిమా విడుదలవుతుందంటే..సినిమా చాలా జాగ్రత్తగా ఉన్నట్లే లెక్క. ప్రమోషన్స్లో ప్రతి చిన్న విషయాన్ని కేర్ తీసుకుని చేశారు. భవిష్యత్లో వారు చేయబోయే సినిమాలు కూడా ఇలాగే పెద్ద సక్సెస్ కావాలని కోరుకుంటున్నాను" అన్నారు.
రెండు తెలుగు రాష్ట్రాల్లో విడుదలైన ఖాకి చిత్రం సక్సెస్ఫుల్గా రన్ అవుతోంది. హెచ్.వినోద్ దర్శకుడు.