వాళ్ళిద్దరూ మళ్ళీ జత కడుతున్నారు...
- IndiaGlitz, [Thursday,September 03 2015]
సినిమా నటీనటులు ఆదాయ మార్గాలు పెంచేసుకుంటున్నారు. కేవలం సినిమాలకే పరిమితం కాకుండా వివిధ కమర్షియల్ యాడ్ లో కూడా నటిస్తున్నారు. వారిలో తమిళ స్టార్ కార్తీ, కాజల్ జంటగా నా పేరు శివ', తర్వాత మరో తమిళ సినిమాలో కలిసి నటించారు. మంచి విజయాలను సొంతం చేసుకున్నారు. క్యూట్ పెయిర్ గా వెండితెరపైనే కాకుండా బుల్లితెరపై కాఫీ యాడ్ లో కూడా ఈ జంట అలరిస్తున్నారు. త్వరలోనే ఈ ఇద్దరూ కలిసి మరో యాడ్ లో కనపడనున్నారు. దీపావళి స్పెషల్ గా చెన్నై సిల్క్స్ వారు రూపొందిస్తోన్న యాడ్ లో కలిసి నటించారు. త్వరలోనే ఈ యాడ్ ప్రసారం కానుంది.