கார்த்தியின் 'காற்று வெளியிடை' ரிலீஸ் குறித்த முக்கிய தகவல்
- IndiaGlitz, [Saturday,November 12 2016]
கார்த்தி நடித்த 'காஷ்மோரா' திரைப்படம் கடந்த தீபாவளி தினத்தில் வெளியாகி நல்ல வரவேற்பை பெற்ற நிலையில் மணிரத்னம் இயக்கத்தில் அவர் நடித்து வரும் அடுத்த படமான 'காற்று வெளியிடை' படத்தின் படப்பிடிப்பு இறுதிக்கட்டத்திற்கு வந்துள்ளது.
இந்நிலையில் இந்த படத்தின் ரிலீஸ் தேதி குறித்த அறிவிப்பு வெளிவந்து கார்த்தியின் ரசிகர்களை உற்சாகப்படுத்தியுள்ளது. இந்த படம் வரும் 2017ஆம் ஆண்டு மார்ச் மாதம் வெளியாகவுள்ளதாகவும், தேதி மட்டும் பின்னர் அறிவிக்கப்படும் என்றும் கூறப்படுகிறது. இந்த படம் மார்ச் மாதம் வெளியாகும் என்பதை கார்த்தி தனது சமூக வலைத்தளத்தில் உறுதி செய்துள்ளார் என்பது குறிப்பிடத்தக்கது.
கார்த்தி, அதிதிராவ் ஹைதி, ஆர்ஜே பாலாஜி, டெல்லி கணேஷ் உள்பட பலர் நடித்து வரும் இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைத்து வருகிறார். ரவிவர்மன் ஒளிப்பதிவில் ஸ்ரீகர் பிரசாத் படத்டொகுப்பில் உருவாகி வரும் இந்த படத்தை மெட்ராஸ் டாக்கீஸ் நிறுவனம் தயாரித்துள்ளது. தமிழ், தெலுங்கு என இருமொழிகளில் இந்த படம் உருவாகி வருகிறது.