பொன்னியின் செல்வன்: வந்தியத்தேவன் கேரக்டரில் பிரபல நடிகர்
- IndiaGlitz, [Saturday,March 16 2019]
மணிரத்னம் அவர்களின் கனவுப்படமான 'பொன்னியின் செல்வன்' படத்தின் ஆரம்பகட்ட பணிகள் நடந்து வருவதாகவும் இந்த படத்தில் முக்கிய கேரக்டர்களில் கார்த்தி, ஜெயம் ரவி, விக்ரம், சிம்பு ஆகியோர்கள் நடிக்கவுள்ளதாகவும் வெளிவந்த செய்தியை ஏற்கனவே பார்த்தோம்
இந்த நிலையில் பொன்னியின் செல்வன் நாவலின் கதாநாயகனான வந்தியத்தேவன்' கேரக்டரில் கார்த்தி நடிக்கவுள்ளதாக தகவல் வந்துள்ளது. இந்த கேரக்டர் வீரம், காதல், காமெடி மற்றும் தந்திரம் ஆகியவை கலந்து அமரர் கல்கி உருவாக்கியிருப்பார். இந்த கேரக்டரை எந்த அளவுக்கு கார்த்தியை பொருந்த வைக்க மணிரத்னம் முயற்சிக்கின்றார் என்பதை பொறுத்திருந்து பார்ப்போம்
அதேபோல் டைட்டில் கேரக்டரான பொன்னியின் செல்வன் என்ற ராஜராஜ சோழன் கேரக்டரில் நடிப்பது யார்? என்பது குறித்த தகவலும் விரைவில் வெளிவரவுள்ளது. இந்த படத்தை பிரமாண்டமாக லைகா நிறுவனம் தயாரிக்கவுள்ளது. மணிரத்னம் இயக்கிய முந்தைய படமான 'செக்க சிவந்த வானம்' படத்தையும் இதே லைகா நிறுவனம் தான் தயாரித்தது என்பது குறிப்பிடத்தக்கது