கார்த்தியின் தூக்கத்தை கெடுத்த சூர்யா
- IndiaGlitz, [Monday,January 25 2016]
சூர்யா நடித்து முடித்துள்ள '24' படத்தின் புதிய போஸ்டர் சமீபத்தில் வெளிவந்து அனைவரையும் மிரட்டியது என்பது அனைவரும் அறிந்ததே. வயதான தோற்றத்தில் கொடூர பார்வையுடன் எலக்ட்ரிக் சேரில் உட்கார்ந்து சூர்யா சிரிக்கும் சிரிப்பு அவரது ரசிகர்களை தூங்கவிடாமல் செய்ததாக சமூக வலைத்தளங்களில் செய்தி வெளிவந்தது.
இந்நிலையில் சூர்யா தனது ரசிகர்களை மட்டுமின்றி தனது சகோதரரும் பிரபல நடிகருமான கார்த்தியின் தூக்கத்தையும் கெடுத்துள்ளதாக தற்போது செய்தி வெளிவந்துள்ளது. கார்த்தி தனது சமூக வலைத்தளத்தில் இந்த போஸ்டர் குறித்து கூறியபோது, 'சூர்யாவின் மிகச்சிறந்த நடிப்பையும் கேரக்டராக மாறிவிடுவதையும் பல படங்களை பார்த்துள்ளோம். ஆனால் இந்த படத்தின் புதிய போஸ்டர் என்னை பல இரவுகள் தூங்கவிடாமல் செய்துவிட்டது' என்று கூறியுள்ளார்.
வரும் தமிழ்ப்புத்தாண்டு தினத்தில் வெளியாகவுள்ள '24' படத்தில் சூர்யாவுடன் சமந்தா, நித்யாமேனன் உள்பட பலர் நடித்துள்ளனர். ஏ.ஆர்.ரஹ்மான் இசையமைத்துள்ள இந்த படத்தை விக்ரம்குமார் இயக்கியுள்ளார்.